ვებ-გვერდი მუშაობს განახლების რეჟიმში
 

გერმანიის ფედერაციულ რესპუბლიკაში საქართველოს ელჩი ლადო ჭანტურია 22 მარტს ქ. დიუსელდორფში არსებულ საზოგადოება "We are europe!"-ში საქართველოს შესახებ გამართულ ღონისძიებაზე მოხსენებით - "საქართველოს ევროპული გზა "წარსდგა. სწორედ საქართველოს ევროპული გზა და ქართულ-გერმანული ურთიერთობები იყო საქართველოს ელჩის მოხსენების მთავარი თემები, რომელსაც ქ. დიუსელდორფის ეკონომიკური და პოლიტიკური წრეების წარმომადგენლები ესწრებოდნენ. მოწვეულ სტურმებს შესაძლებლობა ჰქონდათ პირადად გასაუბრებოდნენ ელჩს და მისგან მიეღოთ ამომწურავი ინფორმაცია საქართველოს ევროპული და ევროატლანტიკური მიღწევების შესახებ. 

 

განთავსების თარიღი: 27.03.2017
 

მიმდინარე წლის 20 მარტს ძალაში შევიდა 2014 წლის 9 ივლისს ქალაქ ბერლინში ხელმოწერილი შეთანხმება „საქართველოს მთავრობასა და გერმანიის ფედერაციული რესპუბლიკის მთავრობას შორის ორგანიზებული დანაშაულის, ტერორიზმისა და სხვა მძიმე დანაშაულების წინააღმდეგ ბრძოლაში თანამშრომლობის შესახებ“.

შეთანხმება ითვალისწინებს ორგანიზებული დანაშაულის, ტერორიზმის, ადამიანის სიცოცხლისა და ჯანმრთელობის წინააღმდეგ მიმართული დანაშაულების, ნარკოტიკული დანაშაულის, იარაღის უკანონო ბრუნვის, ადამიანით ვაჭრობის, უკანონო მიგრაციის, საკუთრების წინააღმდეგ მიმართული დანაშაულების, კიბერდანაშაულისა და სხვა დანაშაულების წინააღმდეგ ბრძოლაში მხარეებს შორის თანამშრომლობას, როგორც ოპერატიული, ასევე, არაოპერატიული მიმართულებით.

აღნიშნული შეთანხმება კიდევ უფრო გააძლიერებს საქართველოსა და გერმანიის ფედერაციული რესპუბლიკის სამართალდამცავ უწყებებს შორის არსებულ ეფექტურ თანამშრომლობას.

განთავსების თარიღი: 24.03.2017
 

მიმდინარე წლის 8-12 მარტს ბერლინში გაიმართა რიგით 51-ე საერთაშორისო ტურისტული გამოფენა (ITB Berlin), რომელზეც საქართველო კვლავ საკუთარი სტენდით იყო წარმოდგენილი. ITB 2017-ში საქართველოს ტურიზმის ეროვნულ ადმინისტრაციასთან ერთად, მონაწილეობა მიიღეს სხვადასხვა ტურისტული სააგენტოების წარმომადგენლებმა, რომლებმაც დამთვალიერებლებს საქართველოს ცალკეული რეგიონები წარუდგინეს. 

 

 

განთავსების თარიღი: 14.03.2017
 

გერმანიის ფედერაციულ რესპუბლიკაში ვიზიტით მყოფი საქართველოს პარლამენტის თავმჯდომარე ირაკლი კობახიძე 11 მარტს გერმანიაში მცხოვრები ქართული დიასპორის წარმომადგენლებს შეხვდა. შეხვედრა ბერლინში საქართველოს საელჩოს შენობაში გაიმართა. შეხვედრისას ირაკლი კობახიძემ საქართველოს პარლამენტში მიმდინარე აქტუალურ პროცესებზე ისაუბრა და ქართული დიასპორის წარმომადგენლების შეკითხვებს უპასუხა. ღონისძიებაზე სტუმრებს შესაძლებლობა ჰქონდათ დაეგემოვნებინათ ქართული ღვინო და კერძები.

 

განთავსების თარიღი: 13.03.2017
 

მიმდინარე წლის 6-10 მარტს შედგა გერმანიის ფედერაციულ რესპუბლიკაში საქართველოს პარლამენტის დელეგაციის ვიზიტი, რომელსაც პარლამენტის საგარეო ურთიერთობათა კომიტეტის თავმჯდომარე სოფო ქაცარავა ხელმძღვანელობდა. დელეგაციის წევრებმა საინტერესო და ნაყოფიერი შეხვედრები გამართეს გერმანელ კოლეგებთან გერმანიის ბუნდესტაგში, ასევე საგარეო საქმეთა სამინისტროში, გერმანიის ფედერალური კანცლერის ადმინისტრაციაში, ბრანდენბურგის ფედერალური მიწის პარლამენტში და პოლიტიკურ ფონდებში.

 

განთავსების თარიღი: 10.03.2017
 

მიმდინარე წლის 20-23 თებერვალს შედგა გერმანიის ბუნდესტაგის წევრის, აქსელ ფიშერის ვიზიტი საქართველოში. ვიზიტის ფარგლებში ბატონმა ფიშერმა შეხვედრები გამართა საქართველოს პარლამენტის თავმჯდომარესთან ირაკლი კობახიძესთან და პარლამენტის სხვადასხვა კომიტეტების წევრ დეპუტატებთან. 

 

განთავსების თარიღი: 27.02.2017
 

პრემიერ-მინისტრ გიორგი კვირიკაშვილის მეთაურობით, საქართველოს დელეგაციამ მიმდინარე წლის 17-19 თებერვალს მიუნხენის 53-ე უსაფრთხოების კონფერენციაში მიიღო მონაწილეობა. წელს კონფერენციის დღის წესრიგში იყო ტრანსატლანტიკური ურთიერთობები და ნატოს სამხედრო ალიანსის მომავალი; ევროპის თავდაცვისა და უსაფრთხოების პოლიტიკა და ევროპის სახელმწიფოებს შორის აღნიშნულ სფეროებში თანამშრომლობა; აგრეთვე, რუსეთთან ურთიერთობები და სირიაში მიმდინარე მოვლენები. 

 

განთავსების თარიღი: 22.02.2017
 

ქ. კილის ქრისტიან-ალბრეხტის სახელობის უნივერსიტეტის 2016-2017 წლის ლექციების ციკლის ფარგლებში, საქართველოს ელჩმა გერმანიის ფედერაციულ რესპუბლიკაში, ბატონმა ლადო ჭანტურიამ კილის უნივერსიტეტში მოხსენება წაიკითხა 1918 წლის 26 მაისს საქართველოს მიერ დამოუკიდებლობის გამოცხადებისა და პირველი რესპუბლიკის დაარსების შესახებ. მოხსენებაში ელჩმა საქართველოს დამოუკიდებლობის მოპოვების პროცესში გერმანიის განსაკუთრებული როლის შესახებ ისაუბრა და აღნიშნულთან დაკავშირებით დამსწრე საზოგადოებას მათთვის უცნობი ისტორიული ფაქტები გააცნო.

 

განთავსების თარიღი: 06.02.2017
 

მიმდინარე წლის 26 იანვარს გერმანიის ფედერაციულ რესპუბლიკაში საქართველოს ელჩმა, ბატონმა ლადო ჭანტურიამ მონაწილეობა მიიღო ყოველთვიური გამოცემა BUSINESS & DIPLOMACY--ს პროექტის ფარგლებში განხორციელებულ პოდიუმის დისკუსიაში, რომელსაც გერმანიაში აკრედიტებული დიპლომატიური მისიების ხელმძღვანელები, მედიისა და ეკონომიკური წრეების წარმომადგენლები ესწრებოდნენ. პოდიუმის დისკუსიას სახელწოდებით - "საუბარი ელჩთან" (Botschafter-Gespräch) უძღვებოდნენ BUSINESS & DIPLOMACY-ს გამომცემელი ფრანკ შუტიგი და ჟურნალის მთავარი რედაქტორი რაინერ შუბერტი. 

 

განთავსების თარიღი: 06.02.2017
 

გერმანიის ბუნდესტაგის წევრი დეპუტატის, მარტინ გერსტერისა და ქ. თელავთან დამეგორბებული ქ. ბიბერახის მერის, ნორბერტ ცაიდლერის ინიციატივით, დღეს გერმანიის ეკონომიკური თანამშრომლობისა და განვითარების ფედერალურ სამინისტროში გაიმართა შეხვედრა მინისტრის მოადგილესთან, ფრიდრიხ კიტჩელთან. შეხვედრას ასევე ესწრებოდნენ გერმანიის ფედერაციულ რესპუბლიკაში საქართველოს ელჩი ლადო ჭანტურია და საელჩოს მრჩეველი ელგუჯა ხოკრიშვილი. საუბრის ძირითად თემას წარმოადგენდა ქალაქებს - ბიბერახსა და თელავს შორის არსებული ხანგრძლივი პარტნიორობა, რომლის ფარგლებში დაგეგმილი პროექტების განხორციელებაც მხარეებმა შეხვედრისას განიხილეს. გამოითქვა სურვილი, რომ გერმანიის ეკონომიკური თანამშრომლობისა და განვითარების ფედერალური სამინისტროს ხელშეწყობით, საფუძველი ჩაეყაროს სხვა ქართულ-გერმანული ქალაქების დამეგობრებას.

 

განთავსების თარიღი: 26.01.2017
 

 

კვ ორ სა ოთ ხუ პა შა
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ