საქართველოს მოქალაქეობის აღდგენის მოთხოვნის დროებითი უფლება

საქართველოს ყოფილ მოქალაქეს, რომელმაც საქართველოს მოქალაქეობა სხვა ქვეყნის მოქალაქეობის მოპოვების გამო დაკარგა, უფლება აქვს, 2027 წლის 1 იანვრამდე მიმართოს საელჩოს საქართველოს მოქალაქეობის აღდგენის წესით მინიჭების მოთხოვნით.

საკონსულოში ვიზიტის დასაჯავშნად, გთხოვთ მიყვეთ ბმულს: https://geoconsul.gov.ge/ka/register/visit. 

საჭირო საბუთების ჩაბარებამდე, აუცილებელია ჯერ საკონსულოში გამოცხადება ტესტების ჩასაბარებლად ქართულ ენაში. ტესტების ნიმუშები შეგიძლიათ იხილოთ აქ. 

 

ტესტების ჩაბარების მიზნით, გთხოვთ თან იქონიოთ:

• საზღვარგარეთის პასპორტი;
• 1 ფოტო სურათი;

ქართულ ენაში ტესტების ჩაბარების შემდეგ, საკითხის განსახილველად წარმოადგინეთ შემდეგი დოკუმენტები:

 

1.  შევსებული დადგენილი ფორმის განცხადება-ანკეტა;

2.  ფოტოსურათი – ზომით 3X4;

3.  უცხო ქვეყნის მოქალაქის პასპორტი;

4.  სავალდებულოა მომსახურების საფასურის გადახდა, რომელიც გადახდილ უნდა იქნეს საქართველოში ნებისმიერ იუსტიციის სახლში (საკონსულოში გამოცხადების შემდეგ, ნებისმიერ მესამე პირს შეუძლია გადაგიხადოთ საქართველოში).

მოქალაქეობის აღდგენის საკითხზე წერილობითი განცხადება და შესაბამისი დოკუმენტები უნდა წარმოადგინოთ პირადად.

დამატებითი კითხვების არსებობის შემთხვევაში შეგიძლიათ დაუკავშირდეთ საკონსულო სამსახურს +49 30 48 49 07 19 ორშაბათს, სამშაბათს, ხუთშაბათს და პარასკევს 14სთ-დან 17სთ-მდე.