საქართველოს მოქალაქეობის საგამონაკლისო წესით მინიჭება

საქართველოს ფარგლებს გარეთ ყოფნის შემთხვევაში, შესაძლებელია მიმართოთ საზღვარგარეთ საქართველოს შესაბამის დიპლომატიურ წარმომადგენლობასა თუ საკონსულო დაწესებულებას.

საკონსულოში ვიზიტის ასაღებად, გთხოვთ, მიყვეთ ბმულს: https://geoconsul.gov.ge/ka/register/visit 

საჭირო საბუთების ჩაბარებამდე, აუცილებელია ჯერ საკონსულოში გამოცხადება ტესტების ჩასაბარებლად ქართულ ენაში, ისტორიაში და სამართალში. ტესტების ნიმუშები შეგიძლიათ იხილოთ აქ.

 

ტესტების ჩაბარების მიზნით, გთხოვთ თან იქონიოთ:

·         საზღვარგარეთის პასპორტი;

·         1 ფოტო სურათი;

 

ტესტების წარმატებით ჩაბარების შემდეგ, საკითხის განსახილველად წარმოადგინეთ  შემდეგი დოკუმენტები:

1.  დადგენილი ფორმის მიხედვით შევსებული განცხადება;

2.  ფოტოსურათი – ზომით 3X4;

3. არასრულწლოვანი პირისათვის საქართველოს მოქალაქეობის მინიჭების შემთხვევაში დაბადების მოწმობის ასლი. იმ შემთხვევაში, თუ პირი დაბადებულია საქართველოს ფარგლებს გარეთ, დაბადების მოწმობა უნდა დამოწმებულ იქნეს აპოსტილის ბეჭდით, შემდეგ ითარგმნოს ქართულ ენაზე და თარგმანიც დამოწმებულ უნდა იქნეს ასევე აპოსტილის ბეჭდით.

4.  უცხო ქვეყნის მოქალაქის პასპორტის ასლი;

5.საქართველოს მოქალაქის ან საქართველოში რეგისტრირებული იურიდიული პირის არანაკლებ 2 რეკომენდაცია სხვა ქვეყნის მოქალაქისათვის საქართველოს მოქალაქეობის მინიჭების შესახებ.

6. არასრულწლოვნის ან მხარდაჭერის მიმღები პირის მოქალაქეობის საკითხი განიხილება მათი კანონიერი წარმომადგენლის განცხადების საფუძველზე. იმ შემთხვევაში, თუ საკონსულო სამსახურში ცხადდება არასრულწლოვანის მხოლოდ ერთი მშობელი, საჭიროა მეორე მშობლის ნოტარიალური თანხმობა არასრულწლოვანი შვილისთვის საქართველოს მოქალაქეობის მინიჭებასთან დაკავშირებით, რომელიც უნდა დამოწმდეს აპოსტილის ბეჭდით, ითარგმნოს ქართულ ენაზე და თარგმანიც დამოწმებულ იქნეს ასევე აპოსტილის ბეჭდით.

7. სავალდებულოა მომსახურების საფასურის გადახდა, რომელიც გადახდილ უნდა იქნეს საქართველოში ნებისმიერ იუსტიციის სახლში (საკონსულოში გამოცხადების შემდეგ, ნებისმიერ მესამე პირს შეუძლია გადაგიხადოთ საქართველოში).

8) 14-დან 18 წლამდე არასრულწლოვანი პირისთვის მოქალაქეობის მინიჭების განცხადების განხილვისათვის აუცილებელია მისი წერილობითი თანხმობა. ამისთვის ის უნდა გამოცხადდეს საკონსულო სამსახურში განცხადების ჩაბარების დროს.

დამატებითი კითხვების არსებობის შემთხვევაში შეგიძლიათ დაუკავშირდეთ საკონსულო სამსახურს +49 30 48 49 07 19 ორშაბათს, სამშაბათს, ხუთშაბათს და პარასკევს 14სთ-დან 17სთ-მდე.